Klassieke versameling, treffende nuwe voorkoms

Die KWV Classic Collection is geskep vir alledaagse genot – gehaltewyne wat ongekompliseerd is met ’n vrugtige smaak en nou ook ’n nuwe voorkoms

’n Tydlose gunsteling bly altyd in die mode. Dit is beslis die geval met die KWV Classic Collection, wat sopas met ’n elegante nuwe voorkoms bekend gestel is – maar jy sal steeds dieselfde klassieke wyn in jou glas kry om saam met die klein plesiertjies van die lewe te geniet. Die gehalte en waarde van hierdie ongekompliseerde, vrugtige wyne koester die ongeëwenaarde KWVerfenis wat oor meer as 100 jaar strek. Die getemde uitbundigheid van sy 11 enkeldruifsoort-wyne onderskei die Classic Collection as ’n reeks wat die diversiteit van die Kaapse Wynlande uitbeeld.

Die rooiwyne – Cabernet Sauvignon, Merlot, Shiraz, Pinotage en Petit Verdot – is ryk en propvol geur. Die witwyne – Sauvignon Blanc, Chardonnay, Chenin Blanc, Grenache Blanc en Moscato – is elegant en lewendig. Die beste kenmerke van albei word vasgevang in die Rosé, wat as die perfekte somerdrankie geniet kan word.

Laat elke oomblik tel met hierdie wye verskeidenheid wyne wat veral aanklank vind by kosbare kuiers saam met vriende.