FOKUS OP: KWV CLASSIC COLLECTION PINOTAGE

Sam Linsell van @drizzleanddip, Galliova se 2021 Digitale Kosbeïnvloeder van die Jaar, het ’n sappige lamsouvlaki berei vir die verleidelik sagte KWV Classic Collection Pinotage. Die bessies en sweempies van speserye omhul in sappige tanniene, smelt lieflik saam met die ryk Mediterreense geure.

Lamsouvlaki genoeg vir 4

900 g-1 kg lamsboudvleis, in klein blokkies gesny

60 ml olyfolie

30-45 ml vars suurlemoensap (ongeveer 1 suurlemoen) 2 knoffelhuisies, fyngekap

5 ml droë origanum

5 ml droë of vars tiemie

2,5 ml gerookte paprika

2,5 ml komyn

2 klein rooi-uie, gesny sout en varsgemaalde swartpeper 8 kebabstokke

Plaas die vleis en al die bestanddele vir die marinade in ’n groot Ziploc-sakkie, verseël en masseer sodat die vleis eweredig bedek is. Los oornag in die yskas en draai ná ’n paar uur om. Haal die gemarineerde vleis uit die yskas sowat ’n uur voordat jy dit gaarmaak. Ryg die vleis op 8 kebabstokke en rooster oor mediumwarm kole of panbraai op die stoof. Indien jy dit panbraai, bestryk elke kebab met ’n bietjie olyfolie om te keer dat dit aan die pan vassit. Geur die kebabs met sout en vars suurlemoensap. Sit voor op pitabrood saam met tzatziki, suurlemoenskyfies, ment, tamatie en komkommerslaai.