TROUES MET MEER VRIENDE AS FAMILIE

’n Huweliksbevestigingsbeampte in haar veertigs, Martie van

Tonder, sê hedendaagse huwelikseremonies is ’n spieël van hoe verhoudings verander het.

Sy vind troues vandag minder formeel en ervaar die bruidegom voel nie meer deur ’n vrouehuweliksbevestiger bedreig nie.

“Jare terug is troues deur jou naaste sowel as uitgebreide familie bygewoon. Vandag nooi paartjies eerder vriende en verwelkom net familielede met wie hulle ’n innige verhouding het. Dit is die nuwe manier van doen op die huweliksdag en dit wys in verhoudings. Vriende, eerder as familie, beïnvloed vandag dikwels verhoudings.”

Paartjies praat ook nie meer so gou oor trou nie en woon dikwels tussen drie en sewe jaar saam voordat hulle voor die kansel gaan staan.

Sy waarsku ’n suksesvolle huweliksbevestiging verg heelwat papierwerk. ’n Verhoudingsmaat het dalk ’n egskeiding agter die rug en dokumente soos hofbevele moet dan ook ingedien word.

Mense trou ook meer dikwels buite, tydens ’n korter tydgleuf, en die kleredrag is meer informeel, sê sy.