MARMITEBROOD

(bl. 90) Daar is iets aan Marmite se geur wat net werk saam met brood. Dié ikoniese produk is vanjaar

120 jaar oud!

genoeg vir 1 brood

310 ml louwarm water 10 g-pakkie kitsgis

10 g sout

65 g (½ potjie) Marmite (of Bovril)

20 ml heel karwysaad

30 ml heuning

30 ml botter, gesmelt

50 g (90 ml) rogmeel

450 g (800 ml) broodmeel ekstra meel vir sif en rol botter en kaas, vir voorsit

Meng water, gis, sout, Marmite, karwysaad, heuning en botter in ’n middelslagmengbak. Voeg rogmeel by en meng. Voeg nou genoeg broodmeel by om ’n stywe, kniebare deeg te vorm. Knie deeg met jou hande vir 8-10 minute of tot glad. Sit in ’n skoon bak wat met olie gesmeer is en laat rys op ’n warm plek tot dubbel die volume, sowat 30-45 minute. Verhit oond tot 220 °C. Smeer ’n gietysterpot goed met olie. Knie deeg af, sprinkel meel op werkvlak en rol deeg in ’n bal. Sit in pot en druk effens plat. Laat rys weer tot dubbel die volume, so 2030 minute. Sif ’n bietjie meel oor die brood. As jy wil, kan jy met ’n skerp Minora-lemmetjie patrone in die brood sny; wees kreatief. Maak pot toe met deksel en plaas in warm oond. Bak brood 25-30 minute of tot goudbruin en gaar. Sit voor met botter en kaas.