ROG-ENOKKERNEUTBROOD
(bl. 95) Wanneer jy brood met rogmeel bak, moet jy ’n swaar, kompakte tekstuur verwag. Rogbrood smaak op sy beste die dag wat jy dit gebak het.
genoeg vir 1 brood
375 ml water
10 g-sakkie kitsgis
10 ml melasse
10 ml sout
10 ml karwysaad
100 g okkerneute, grofgekap 225 g (400 ml) donker rogmeel 225 g (400 ml) broodmeel botter vir voorsit
Plaas water, gis, melasse en sout in die bak van ’n elektriese menger. Meng met die K-spaan by matige spoed tot goed gemeng. Voeg karwysaad, okkerneute, rogmeel en broodmeel by. Verhoog spoed en meng 10-12 minute of tot mengsel in ’n bal in die middel van die bak saamkom. Plaas in ’n skoon bak wat met olie gesmeer is. Bedek bak met kleefplastiek en laat rys deeg op ’n warm plek tot dubbel die volume. Sprinkel meel op werkvlak en keer deeg daarop uit. Knie deeg af en vorm in ’n wors van sowat 40 cm lank. Spuit ’n bakplaat deeglik met kleefwerende kossproei en sprinkel meel op plaat. Plaas deegwors op bakplaat in die vorm van ’n krans. Jy kan die twee punte heg deur dit effens aan mekaar vas te knyp. Plaas ’n leë blikkieskosblik wat met kleefwerende kossproei gespuit is in die opening in die middel van die brood. Laat rys deeg weer vir 20 minute. Verhit oond tot
220 °C. Bak brood 20-25 minute of tot goudbruin en gaar. Sit voor met botter.