Vernuwe met ’n behandeling
Moenie vergeet van ’n salonbehandeling se vermoë om jou vel, hare én gemoed ’n hupstoot te gee nie
VIR JOU GESIG DERMACEUTIC MILK PEEL (R950) BY SKIN ID IN JOHANNESBURG
Dié afskilferingsbehandeling met melksuur is blitsvinnig (net sowat 15 minute) en laat ’n moeë, vaal vel onmiddellik plomp, stralend en bevog lyk. Dis boonop geskik vir alle veltipes, selfs ’n sensitiewe vel.
VIR JOU VOETE DMK MEDIPEDI (R540) BY SORBET-SALONNE
Speel klaar met gebarste hakke. Die behandeling gebruik ’n spesiale afskilferingsroom wat die harde dele van jou hakke en sole diep binnedring om dooie selle op te los en die vel te versag. ’n Dik masker en voedende olies laat jou voete sysag met ’n gesonde pienk kleur.
VIR JOU HARE KÉRASTASE FUSIO-DOSE CHROMA ABSOLU BOOSTER EN CONCENTRÉ (VANAF R795) BY UITSOEKSALONNE
Twee konsentrate word gemeng, by jou hare ingemasseer en ná ’n ruk uitgespoel. Die Chroma Absolu-konsentrate is perfek vir net nadat jy jou hare gekleur het om enige skade onmiddellik te herstel en hare te bevog.
WENK
Nou is ook die tyd om te gaan vir velbehandelings wat verg dat jy uit die son uit moet bly, bv. dié vir hiperpigmentasie of laserbehandelings