OP SY KOP GEKEER
’n Nuwe plaaslike velsorgreeks, Sapienic, daag ons uit om anders oor velsorg te dink. Volgens dié parmantige handelsmerk wys navorsing dat die jagter-versamelaars van ouds se vel gesonder as dié van moderne mense was en dat hulle byna nooit met inflammasie en aknee geskukkel het nie. Die rede? Hul vel kon ’n gesonde mikrobioom handhaaf omdat hulle nie seep gebruik het nie en hul vel se natuurlike lipiede so behoue gebly het. Daarom hou Sapienic hul basiese produkreeks (vanaf R450) supereenvoudig: Daar is nie ’n reiniger of vogroom nie, slegs ’n kleigrimeerverwyderaar, ’n probiotiese gesigsproei, ’n hidrerende serum en ’n olie wat jou vel se natuurlike lipiede naboots. Die laaste twee produkte meng jy saam en die hoeveelhede kan aangepas word na gelang van jou vel se veranderende behoeftes.
Probeer dié reeks as jy geneig is tot ’n sensitiewe vel. By sapienic.co.za