PIENK APPELS IN ROOSSTROOP MET VANIELJEVLA

(BO) Dis appelseisoen en dit beteken ons moet dié vrug in al sy vorms vier. Ek geniet dit om appels eenvoudig in wyn en suikerstroop te posjeer. Saam met vanieljevla is dit altyd ’n wenner. genoeg vir 6-8 400 g (500 ml) suiker 1 liter water

750 ml roséwyn 2 steranyspeule

15 ml roosstroop

12 pienk appels, geskil en gehalveer

500 ml vla vir voorsit

Plaas suiker, water, wyn en steranys in ’n groot pot. Roer oor lae hitte tot suiker opgelos het en bring tot kookpunt. Voeg roosstroop by. Kook vir 10-15 minute of tot stroop ’n pienk kleur kry. Voeg gehalveerde appels by en skakel plaat af. Maak pot toe en laat warm stroop afkoel tot yskoud. Jy kan dit so in jou yskas hou vir 1 week. Meng 100 ml van die vloeistof waarin die appels gekook is met vla. Verdeel tussen opdienbakkies en skep appels bo-op. Sit voor.