BOTTERSKORSIEEN-SPEKSOP

(bl. 103) Daar is altyd rede om sop te maak, maar in die winter meer as ooit.

genoeg vir 6

30 ml olyfolie

1 ui, fyngekap

2 knoffelhuisies, fyngekap

15 ml vars gemmer, fyngerasper 200 g-pak spekblokkies

30 ml groenkerriesmeer

1 kg botterskorsieblokkies

1,5 liter groenteaftreksel

400 ml-blik klapperroom sout en varsgemaalde swartpeper

Verhit ’n groot pot oor hoë hitte tot warm en voeg olyfolie by. Voeg uie, knoffel, gemmer en spek by en roerbraai vir 2-3 minute of tot spek begin verbruin. Voeg groenkerriesmeer by en braai nog 1 minuut. Voeg botterskorsie en aftreksel by en bring tot kookpunt. Laat kook vir 15-20 minute of tot botterskorsie sag en pap is. Voeg klapperroom by en kook nog 5 minute. Geur goed met sout en peper. Pols tot gladde mengsel met staafmenger.

Sit voor met brood van jou keuse.