Tiener se liggaam op straat
Die liggaam van ‘n 17-jarige seun, Abongwe Nonjiwa is op Saterdag, 25 Julie in Maqabangastraat by Aslapark gevind.
Lede van die publiek het die KwaNonqabapolisie gebel nadat hulle op die lewelose liggaam van die tiener afgekom het.
Die polisie en nooddienspersoneel het Nonjiwa by hul aankoms dood verklaar.
Kommunikasiebeampte sersant Kappie Kapp sê daar was ‘n steekwond aan sy bors. “Die motief vir die moord is tans onbekend. Ons het reeds met ‘n ondersoek begin en verwag om binnekort ‘n verdagte op ‘n aanklag van moord in hegtenis te neem.”
Ooggetuies word versoek om die ondersoekbeampte in die saak, ao Geoffrey Moos te kontak (079 894 1599).