KENNERSRAAD

Verhitte handdoekrelings verleen ’n tikkie weelde aan ’n badkamer. Dis nie net ’n kwessie van gemak nie; handdoeke word ook gouer droog, wat dit meer higiënies maak, sê Mark Bennett van Jeeves.

“Die elektrisiteitsverbruik is ook geen rede tot kommer nie, want vloeistofgevulde handdoekrelings soos ons s’n, wat met outomatiese verhittingstegnologie werk, is verbasend doeltreffend en gebruik net krag wanneer nodig,” verduidelik Mark. “Die gemiddelde reling in ons reeks het ’n 120Wtermostatiese element, wat energie op ’n sikliese basis trek vir omtrent

50% van die tyd terwyl die eenheid aangeskakel is. Daarom kan ons met vertroue sê dat ons verhitte relings die ekwivalent van een 60W-gloeilamp gebruik.” KONTAK jeeves.co.za

’n Stortvloer moet altyd ’n effense helling hê sodat die water kan afloop terwyl jy was. ’n Stortkanaal, soos hier, is ’n kontemporêre alternatief vir ’n gewone vierkantige of ronde uitlaat. By instapstorte soos dié is dit belangrik dat die watersperder en -uitlaatpyp op presies die regte hoogte is om dreinering na die pypwerk buite toe te laat. Die muur tussen die badkamer en aangrensende slaapkamer is uitgebreek om een groot oopplan-ruimte te skep.