Net ’n tikkie kleur

#2

Agter die Victoriaanse fasade van dié gesinshuis in die gewilde Kaapse buurt Observatory skuil ’n moderne, industriële ruimte waar treffende kleure die botoon voer. Vir die badkamer het die gesin besluit op liggrys mure en wit vloerlyste, met vrolike vloerteëls in die Marokkaanse styl om die voorkoms in die res van die huis te komplementeer.

Dié ruim badkamer het sy oorspronklike uitleg, kandelaber en bad behou, terwyl die groot staalraamvenster nuut is. ’n Latteskerm bied privaatheid en is boonop ’n slim oplossing as jy ’n onooglike muur buite wil verbloem.

Staalraamvenster van Alfe Glass & Aluminium

’n Nis in die muur bied pakplek – ’n gewilde opsie wat keer dat die bad se rand vol losgoed staan en onnet lyk.