Sê dit met blomme

#2

Met die opknap van die twee gesinsbadkamers in haar Northcliffhuis kon

Regruk met Flair 2017 se naaswenner Ramona Afonso nie gou genoeg van die oorspronklike 1980’sstyl in albei vertrekke ontslae raak nie. Omdat sy ’n liefde het vir als wat Frans is, het sy ’n romantiese voorkoms vir die hoofbadkamer gekies met ’n versameling swierige mooigoed: ’n spieël met ’n dramatiese raam; sagte gordyne; pragtige ou meubels met gedraaide pote; en titsels goud – van die kanttafel tot die verftegniek op die wasbakkas in die barokstyl.

Dié handgeverfde kas is regtig iets vir die oog. “Ek het geweet ek wil iets besonders vir dié vertrek hê,” sê Ramona. Nadat sy die regte antieke kas raakgeloop het, het sy self die basis geverf; die blommotief op die laaie is die handewerk van ’n vriendin, Talia Botha, wat in 2018 se Regruk met Flair onder die topvyf geëindig het met haar kombuisopknap. “Ek is absoluut dol oor die resultaat!” www.s.co.z

Hou jy van Ramona se badkamer? Kyk aanlyn hoe sy hul kombuis opgeknap het; dit was die naaswenner in 2017 se Regruk met Flairkompetisie.

Ek wou ’n ‘kweekhuis’-voorkoms hê met droommooi hangplante. – Ramona

SO MOOI!Die kopergeplateerde vintageRosscokrane is van Ramona se binneontwerpsaak, Ruffles & Rust; dit skakel in by die spatsels goud reg deur die badkamer. Mooigoed soos klein glaspotjies, vars blomme, dekoratiewe seepbakkies, handseep en lyfroom word op ’n skinkbord met ’n spieëlblad uitgestal.

Terrazzo-teëls van Union Tiles is perfek vir dié ruimte. Ramona het die bad op Facebook Marketplace gekoop vir ’n appel en ’n ei.