’n Trappie bo die res
#5
Nadat Pierre en Felicity Heymans in 2015 ’n statige woning in die Paarl gekoop het, het hulle oor ’n tydperk van 12 maande die oudmodiese huis opgeknap. In die hoofslaapkamer het die vorige eienaars se bed gestaan waar die badkamer nou is. “Die verhewe deel was eers ’n aparte vertrek,” verduidelik Felicity, die eienaar van die interieurontwerpsaak Domaine Du Cap. “Ons het besluit om dit as natuurlike skeiding tussen ons slaap- en badkamerdeel te gebruik.”
Vir ’n romantiese badkamer is beligting baie belangrik. “Ons het ’n klein metaalvenster vervang met ’n groot skuifraamvenster sodat die natuurlike lig kan instroom en ons die uitsig ten volle kan geniet. Ons het ook ’n vintagekandelaber en muurblakers gekies om die styl deur te trek,” sê Felicity.
’n Sagte, rustige palet skep ’n wonderlike agtergrond vir fyner detail en afwerkings wat ’n storie vertel. – Felicity