Die volle prentjie
#6
Die kunstenaar Sarah Danes-Jarrett van Wynberg in Kaapstad het nog altyd gedroom van ’n pootjiesbad en toe sy haar Victoriaanse huis opknap, het sy besluit op ’n klassieke kleurpalet van swart en wit. Omdat die huis net een badkamer het, moes dit werk vir die hele gesin. Sy het Bespoke Bathrooms se hulp ingeroep vir dié projek.
Die plakpapier, ’n reproduksie van ’n Thomas Baines-skildery uit 1858 wat die Victoria-waterval uitbeeld, vang beslis die oog! “Ek is mal oor dié prent omdat die waterval ’n spesiale plek in my hart het en ek wou hê water moet die hooftema in die vertrek wees,” verduidelik Sarah. “Die kleure en styl is nommerpas. Dis die eerste badkamer wat ek regtig my eie kon noem; dis nuut, so dis skitterskoon, alles werk en ek is trots op al die Suid-Afrikaanse vakmanskap wat ek gebruik het.”