PLAASSTYL MET FLAIR

’n Grande dame

#1

Toe Clifford en Maryke Roberts hul nuwe blyplek na hul smaak wou inrig, was beligting en ruimte hoog op hul prioriteitslys. Hulle het soveel wit moontlik in die afwerkings gebruik – ook in die badkamers, waar kristalhandvatsels en -kandelabers die voorkoms afrond.

Tydens die opknap van die 80 jaar oue huis het die paartjie besluit om sekere elemente wat in pas is met die huis se erfenis te herhaal. “In die gastebadkamer het ons stortdeure van staalvensterrame laat maak wat net soos rame elders in die huis lyk,” verduidelik Maryke. En toe hulle ’n stoep omskep in ’n en suite vir die hoofslaapkamer, het dit ook ’n staalraamdeur en wit Victoriaanse bad gekry, wat die vertrek ruimer laat voel.

Clifford en Maryke het wit metroteëls met ’n glanslaag in die gastebadkamer se stort gebruik saam met wit en houtskool vloerteëls – ’n klassieke kombinasie.Metroteëls van Douglas Jones