KENNERSRAAD
Volgens Nicole Russell van Italtile bly metroteëls gewild.
“Klits die voorkoms gerus ’n bietjie op. Klassieke wit teëls is tydloos, maar daar’s soveel ander moontlikhede met verskillende kleure, patrone en voegbry-opsies by Italtile. Ons hou selfs gekleurde voegbry en metale aan!” sê sy. “Indien jy met kleur wil speel, oorweeg skakerings van koel grys, mentgroen of swart teëls met swart voegbry. Of die lieflike Chalk-reeks in droommooi pastelle.
“Metroteëls kan in die tradisionele baksteenpatroon gelê word, of probeer ’n visgraatontwerp. Nog ’n prettige en bekostigbare alternatief is metro-mosaïek, of teëls met marmer-are vir ’n tikkie weelde.” >> KONTAK italtile.co.za