Weskus-skoonheid
#3
Toe Jan “Boland” Coetzee van die Vriesenhof-wynplaas buite Stellenbosch destyds sy witgekalkte huis aan die Weskus bou, wou hy dieselfde gevoel skep as dié van die plaashuis buite Lambertsbaai waar hy grootgeword het.
Hy noem dit ’n “treinhuis” – die slaapkamers is in ’n ry, los van die hoofgebou wat meestal net uit leefareas bestaan. Net die hoofslaapkamer en sy en suite-badkamer is vas aan die hoofhuis, maar dit het sy eie ingang. Soos die res van die huis is die badkamer ook in tipiese Weskus-styl ingerig. Vensterrame van jarrahout omraam elke uitsig soos ’n prentjie. “Jy kan die see van oral uit die huis sien,” vertel Jan.