Danksy die kleur van die sement-afvlaklaag op die vloer lyk dit nie nat ná ’n stort nie; die installering het ’n week geneem omdat dit in lae gedoen moes word. Dis baie maklik om skoon te maak, want daar is nie voegbry wat geskrop moet word of moeilike hoekies soos by ’n gewone stortdeur nie.
DIE STORTDanksy ’n effense helling wat na die wateruitlaat lei en oorgenoeg ruimte rondom raak die res van die badkamer nie nat wanneer Inez stort nie. DIE VENSTERSDie blindings is verwyder en die ruite met matglas vervang; dit laat meer natuurlike lig in, wat die vertrek groter laat voel. NUWE NUT’n Kas wat eers op die stoep gestaan het, is badkamer toe geskuif vir bêreplek.