Goeie ventilasie is noodsaaklik as jy die spieëls in jou badkamer teen skade wil beskerm, sê Pru Pfuhl, eienaar van Biggie Best.
“Die dun lagie suiwer silwer wat glas in ’n spieël verander, kan ’n aanpaksel kry as jou spieël gereeld aan stoom blootgestel word,” waarsku sy. “Maak daarom ’n venster en/of deur oop of skakel ’n suigwaaier aan vir minstens 15 minute ná ’n lekker warm stort of bad.”
Vir ekstra impak, raam jou spieël. “Dis iets vir die oog en kan onooglikhede teen die muur verbloem.”