Soveel tekstuur!

Die binnehof in die middel van Louis Heyneman se huis in Kaapstad weerspieël die karakter van dié ekovriendelike huis uitstekend. Dis ’n treffende samespel van (meestal herwinde) materiale in verskillende teksture. Die stene vir die keermuur en leiklip teen die fokusmuur kom uit die oorspronklike huis, wat platgeslaan is voor dié een 10 jaar gelede gebou is. Die leiklip is in dun stroke gesny vir kontras langs die bakstene. Die klein houtraamvenster verskaf lig vir ’n trapkuil aan die binnekant. >>