Ddit
was ’n prentjie wat enige opknapper se hande sal laat jeuk: ’n vervalle huisie eenkant op ’n plaas, ’n groot ou boom wat daarbo uittroon en ’n uitsig tot doer ver.
“Die huisie hier op ons plaas Vleidam buite Koringberg is in 1930 deur bywoners gebou,” vertel die eienaar, Nikki Loxton. “En alles daaraan is klein – van die vertrekke tot die vensters. Met die restourasie het ons so na moontlik aan die oorspronklike gehou, met die mure nog net so skeef soos dit destyds gebou is.”
Nikki en haar man, John, bedryf ’n gaste-onderneming op die plaas, en die huisie is vandag een van die selfsorg-eenhede wat hulle verhuur. Nikki en haar dogter, Christine, wat die onderneming se administrasie behartig, het die projek saam aangepak.
Hoewel hulle min of meer ’n idee gehad het van hoe die eindproduk moet lyk, was die opknappery tog ’n avontuur, vertel Christine. “Ek dink ’n mens kan nooit regtig 100% voorbereid wees as jy so iets aanpak nie, veral nie as jy die meeste werk self doen Houtskinkbord van MRP Home; kussings van Biggie Best; wit kanttafel en keramiekskinkbord van Fine Linen & Gifts
Houtbak van MRP Home; beker met rooi rand op die tafel van Biggie Best
Kussing met breë strepe van Droomland; ander van Biggie Best