Vra die kenners
Jy vra – ons kry die antwoorde!
1 Haal al die handvatsels af. As jy dit weer wil gebruik, kan jy die gaatjies net so los, maar as jy nuwe handvatsels wil aansit, vul dit met houtvuller. Skuur die oppervlak liggies voor jy begin verf. 2 Was die kaste met suikerseep en laat dit droog word.
Berei die oppervlak voor met ’n gepaste onderlaag soos Dulux Supergrip of Plascon Tile and Melamine Primer. Laat dit oornag droog word. 4 Wanneer die onderlaag heeltemal droog is, kan jy die verf met ’n sponsroller aanwend om ’n gladde afwerking te verseker. Twee lae gewone PVA sal werk. • Oorweeg ’n patroon soos dié harlekyn-ontwerp op die middeldeur ( links). • Die ander deure is elk in ’n ander kleur geverf – kies kleure wat by jou dekor pas en maak jou ou kas die middelpunt van die aandag. Moenie bang wees om met die kleure te eksperimenteer nie – meng wisselende hoeveelhede wit by dieselfde basiskleur.
Inspirasie
Ek dink dit gaan ’n reuseverskil maak as jy die sierstene wit verf. Ek sal jou aanraai om die tong-engroefplafonne ook wit te verf om jou huis ’n pragtige Kaap Cod- of Nantucketgevoel te gee – wat perfek is vir ’n strandhuis. Dit sal boonop die vertrekke groter en ligter laat voel. Verder sal die tekstuur van die plafonne goed werk saam met die ruwe mure. As jy bekommerd is oor te veel wit kan jy ’n fokusmuur in elke vertrek verf; skakerings van grys en klipkleure sal pragtig lyk. Hou by ’n see-palet vir eenvormigheid, en verskaf tekstuur met seegrasmatte en verweerde hout. Gebruik jou donker meubels tussen afgewitte stukke om die huis te anker. Die geheim van ’n wit interieur is om baie teksture te kombineer, en jy het die perfekte ligging en basis om mee te begin. >>