Klipkuns
Adèle Botes van Klerksdorp
skryf As iemand wat van die buitengewone hou, geniet ek dit as ek in Tuis dekoridees sien wat my huis heeltemal anders as ander mense s’n sal laat lyk. In Augustus, toe die wind so gewaai het, het ek ’n paar keer gefrustreerd geraak met deure wat toeklap. Ek het besluit gewone deurstuiters sal nie voldoende wees nie en het klippe begin verf om dit vir dié doel in te span. My vriende en familie was so beïndruk daarmee dat hulle bestellings begin plaas het. Ek het probeer om elke deurstuiter só te maak dat dit by die bepaalde persoon pas. Vir my oupa en ouma het ek deurstuiters gemaak wat aan hulle herinner, en vir die diereliefhebbers is daar deurstuiters met skilpaaie en honde. Nou hoef nie een van hulle meer bekommerd te wees oor deure wat toeklap nie, en hul huise het so ’n tikkie buitengewone dekor.