Plant van die maand Ei­ke­blaar­hor­ten­sia

106 Plant ’n ei­ke­blaar­hor­ten­sia vir ’n an­der­ste kris­mis­roos oor die fees­tyd en ge­niet die bla­re weer in die herfs!

Tuis - - NEWS - Deur Ma­rié Ester­huy­se Fo­to’s Fran­cois O­ber­hol­ster

Die ei­ke­blaar­hor­ten­sia (Hy­dran­gea quer­ci­fo­lia) is t­wee keer mooi: in die so­mer wan­neer dit blom én in die herfs wan­neer dit met prag­ti­ge herfs­kleu­re spog! Dié struik se blom­me is net soos die al­om­be­ken­de kris­mis­roos,

Hy­dran­gea ma­crop­hyl­la, ’n klomp klein blom­me­tjies wat saam soos een groot blom ver­toon. Dié spe­sie dra eg­ter sy blom­me­tjies in ’n ke­ël­vor­mi­ge blom­pluim wat room­wit van kleur is. In die herfs ver­kleur die bla­re roes­rooi. Plant ’n paar van dié strui­ke by­me­kaar om ’n mooi ver­to­ning te maak.

Ei­ke­blaar­hor­ten­sia hou van klam maar goed ge­drei­neer­de, vrug­ba­re grond. Be­rei die plant­gat goed voor met baie kom­pos, ’n hand vol been­meel en kuns­mis soos At­lan­tic Fer­ti­li­sers se Bio Ga­nic All Pur­po­se.

Die struik maak ’n goeie hei­ning­plant, en aard ewe goed in son en half­ska­du­wee – hoe­wel die bla­re in vol­son kan skroei. In die warm so­mer­maan­de het die struik baie wa­ter no­dig; maak min­stens drie keer ’n week diep nat en gooi ’n dek­laag rond­om die stam­me.

In die win­ter kan jy min­der wa­ter gee wan­neer die plant dor­mant is. Dis in die al­ge­meen re­de­lik siek­te­be­stand.

Dié plant het nie baie s­noei no­dig nie. Sny so­wat ’n der­de van die ou hout van ge­ves­tig­de plan­te ná blom­tyd in die herfs of vroeë win­ter te­rug tot teen die grond, waar dit weer sal uit­loop. Sny an­der tak­ke net lig­gies te­rug in­dien jy die plant wil net­jies maak. Hoe meer jy te­rug­sny, hoe gro­ter sal die nu­we sei­soen se bla­re wees.

Ei­ke­blaar­hor­ten­si­as is uit­ste­ken­de pluk­blom­me; kies die ou­er blom­me waar­van die mees­te in­di­vi­du­e­le blom­me­tjies reeds oop is – die jong blom­me ver­welk gou­er. Moe­nie dooie blom­me di­rek ná blom­tyd af­sny nie; na­ma­te die blom­me ver­ou­der, raak hul­le bruin en kry ’n pa­pier­ag­ti­ge voor­koms. Dit lyk dan nog lank mooi.

Maak steg­gies in die win­ter van har­de hout of in die laat­len­te van die nu­we sei­soen se sag­te hout. Plant dit in pot­jies met kom­pos­ry­ke grond en plant uit wan­neer dit goed ge­ves­tig is, met ge­noeg wor­tels. Ou­er tak­ke wat aan die grond raak, sal ook wor­tels vorm. Steek dit in die win­ter met ’n graaf af en plant el­ders.

Bron­ne Re­a­der’s Di­ge­st A South A­fri­can Gar­den for All Se­a­sons met hoof­me­de­wer­ker Jen­ni­fer God­bold-Simp­son; rhs.org.uk ’n Hy­dran­gea quer­ci­fo­lia-blaar in herfs­ge­waad.

Newspapers in Afrikaans

Newspapers from South Africa

© PressReader. All rights reserved.