Dis die gees!
Suid-Afrikaanse sepies benader die bonatuurlike wêreld respek, balans en goeie bedoelings.
In elk van ons plaaslike sepies wat die bonatuurlike wêreld betrek, moet die behoeftes van die karakters, die storie, die gehoor en soms selfs die veiligheid van die akteurs in ag geneem word. Die vervaardigers gee ons ’n kykie na hoe dit agter die skerms werk . . .
RESPEK VIR GELOOF
Sepieskrywers behandel die gehoor se geloofsoortuigings met respek, anders gaan hulle agting vir die program verloor. “Die bonatuurlike is so werklik en deel van ons lewe as religie – ons hanteer dit met dieselfde respek in ons storielyne,” sê Isibaya (2013-nou) se uitvoerende vervaardiger, Desiree Markgraaff.
“Om met die voorvaders te kommunikeer deur die slag van ’n bok en die brand van impepho (wierook), is deel van die gemeenskap in ons sepie se leefwêreld. Mpiyakhe (Siyabonga Thwala) moes na die kraal toe gaan en met die Zungu-voorvaders praat voor hy die bose toordokter Sunday (Zakhele Msibi) kon gaan soek.” Dis ’n wyse stap, want Solomon (Bheki Mkhwane) moes Mpiyakhe in November 2015 red ná Sunday hom in 2014 in umkhovu – ’n zombie – verander het!
SPESIALE ROEPING
Sepies loop katvoet rondom die komplekse situasie waarmee baie Suid-Afrikaners te doen het om die wêrelde van die tradisionele en Christelike spiritualiteit met mekaar te versoen. In Uzalo (2015-nou) gee Hlengiwe, alias Mamlambo (Gugu Gumede) gehoor aan haar tradisionele spirituele roeping en sy is ook ’n trotse kerklidmaat – al het die nare past. Nkosi (Mondli Makhoba) haar in Julie 2016 uitgeskop.
“Mamlambo is geseën met voorspelling en kan sien wat in die toekoms gaan gebeur, dus word van haar profesieë waar,” sê Uzalo se kreatiewe direkteur, Mmamitse Thibedi. “Ons gebruik die bonatuurlike om karakters oor komende gevaar te waarsku of hulle te beskerm. Die bonatuurlike word as ’n geskenk en ’n roeping uitgebeeld.”
GOED TEEN KWAAD
Wanneer die bonatuurlike wêreld by ’n sepie betrek word, is die bedoeling daarvan altyd die sleutel. Soos in Isibaya: “Elke keer wanneer ons skadelike toordery wys, wys ons ook welwillende geeste wat teen die slegtes baklei. Ons het Mehl’emamba (Senzo Vilakazi) die opleiding gegee (in April 2016) en die mag om Sunday te ‘verslaan’, wat bete-