LEON-FRITZ SE VRAE AAN ROB
Hoe het jy gevoel toe die aanbieder Minki Joubert jou vertel jy is onder die topvyf boere?
Ek moet bieg ek was ’n bietjie onkant gevang en bekommerd, want ek het aanvanklik ingeskryf net om briewe te kry. Maar nou ja, toe het die reis begin!
En op grond waarvan het jy die vyf uit die tien meisies (episode 3) gekies?
Dit was ’n kombinasie van verskillende dinge soos voorkoms en persoonlikheid. Maar die belangrikste was dat hul briewe ’n goeie weerspieëling moes wees van wie en wat elkeen is.
Het jy enigsins getwyfel oor jou aanvanklike keuses?
Dis maar altyd moeilik om keuses te maak, veral as die skone geslag ter sprake kom. Maar ek het my instinktiewe aanvoeling vertrou en was rustig oor my keuses.
Wanneer jy keuses moes maak, het jy meesal jou kop of jou hart gevolg?
kombinasie van albei.
Dit is ’n
Wat was vir jou die moeilikste deel om aan hierdie reeks deel te neem?
Ek moes my werksaamhede en verantwoordelikhede op die plaas so ’n bietjie opsy skuif omdat ons topvyf boere tydens opnames baie tyd weg van die plaas was.
Het jy ’n lysie van die belangrikste eienskappe wat jy in jou droomvrou soek?
Nee, glad nie. My droomvrou moet beslis ’n sterk persoonlikheid hê, maar ook “kind” wees.