Hier volg die nuus
Geen verrassings hier. Al het Vanessa Grimaldi “Ja!” gesê vir Nick Viall se groot vraag in seisoen 21 se slotepisode van die realiteitsreeks The Bachelor (2002-nou), is die paar vier maande later uitmekaar. In ’n gesamentlike verklaring het hulle gesê: “Dis met heelwat spyt dat ons besluit het om ons verlowing te verbreek. Ons het hard aan die verhouding gewerk, maar ons is hartseer dat ons nie die sprokie-einde gekry het nie.” Net twee van die reeks se 21 wenpare is nog bymekaar. Met ’n lang wag tot die laaste seisoen (8) van die fantasiereeks Game Of Thrones (2011nou) in 2019, hou die spelers hulle met ander projekte besig. Kit Harington, wat Jon Snow in Thrones speel, vertolk ’n rol in en vervaardig Gunpowder, ’n driedelige BBChistoriese drama waarin hy sy voorvader Robert Catesby speel. Catesby was betrokke by die sameswering om die Britse Hoërhuis in 1605 op te blaas – oftewel die begin van Guy Fawkes- dag. Die eintlike Guy Fawkes sal gespeel word deur Tom Cullen, , burggraaf Gillingham in die periodedrama Downton Abbey (2010-2015). Die gruwellegende Tobe Hooper is laat in Augustus oorlede. Hy was die beste bekend as die skrywer en regisseur van The Texas Chainsaw Massacre-fliekfranchise (1974-2003). Tobe is ook in die TV-bedryf gehuldig vir sy werk aan die gruwelminireeks Salem’s Lot in 1979. Fans van die paranormale reeks Stranger Things (2016-nou) gaan op die uitkyk wees na hul gunstelingkinderster wanneer seisoen 2 naderkom (die episodes word op 27 Oktober deur Netflix uitgereik). Gaten Matarazzo of “lispelende Dustin” is in Katy Perry se musiekvideo Swish Swish te sien, asook in Lost Boys Life van die gewese Glee- (2009-2015) ster Darren Criss se band Computer Games. En al is Stranger Things vir seisoen 3 hernu, sê die vervaardigers seisoen 4 sal beslis die laaste wees. Orlando Bloom ( Will Turner in die Pirates Of The Caribbeanflieks, 2003-2017) het ’n rol gekry in die nuwe Amazon Prime-reeks Carnival Row later vanjaar. Die agt episode lange fantasiedramaf sal ooko vervaardig wordw deur Orlando, watwa die rol van die polisi polisieondersoeker Rycroft Philostrate sal vertolk in ’n Neo-Victoriaanse stad waar mitiese figure skuiling soek teen oorlog. Fans van die ikoniese 1970’s-polisiereeks Starsky And Hutch (19751979) sal bly wees oor die nuus van ’n moontlik nuwe weergawe. SONY Pictures het James Gunn, regisseur van die Guardians Of The Galaxy-sci-fi-flieks (2014 & 2017), gevra om die nuwe weergawe te beplan, al word geen akteur nog verbind nie met die rolle wat beroemd gemaak is deur David Soul (as Ken Hutchinson) en Paul Michael Glaser (as Dave Starsky). Die 1960’s se ruimtestrokiesreeks The Jetsons (19621987) kan as ’n regstreekse aksiereeks herleef. Die ouernetwerk Warner Bros. was in verbinding met Gary Janetti, uitvoerende vervaardiger van die animasiereeks Family Guy (1999-nou), maar mense in die binnekring beweer “daar sal beduidende kinkels in die strokiesreeks wees oor George Jetson en sy familie in Orbit City”. Die musiekbestuurder Sharon Osbourne, wat ’n beoordelaar is in die talentsoekreeks The X Factor (2004-nou), het uitgevaar teen die sangtalentreeks The Voice (2011nou) omdat hulle “gemiddelde wenners het wat nooit suksesvol in musiek sal wees nie”. Sy het bygevoeg: “Hulle [ The Voice] het al hierdie paddas daar en die helfte van hulle is agtergrondsangers. Dis hoekom hulle geen sterre oplewer nie.” Tyler Christopher, Nikolas Cassadine en Connor Bishop in die sepie General Hospital (1963-nou), is gevoeg by die spelers van Days Of Our Lives (1965-nou, sien ble. 20-21). Al is nie veel bekend oor sy rol nie, het die uitvoerende vervaardigers onthul “Tyler se storie is so goed, dis snaaks en interessant met drama!”