Once Upon ATime
Dis gepas dat die eerste teaterkarakter wat Robert Carlyle kan onthou Repelsteeltjie is, die rol wat hy in die fantasiereeks Once Upon A Time (2011nou) speel: Rumplestiltskin. “Ek was ses toe ’n reisende teater ’n weergawe van die Grimm-broers se sprokie Rumpelstiltskin opvoer. Daar was iets aan die karakter wat deur die jare by my gebly het en toe ek die rol aangebied is, het ek dit summier aanvaar!” Hy skerts sy karakter gee hom die “beste 42 minute op TV”.
1 Die 56-jarige Skot was onseker oor hoe om ’n stem te gee aan sy karakter (wat ook bekend is as Mr. Gold in die reeks se regte wêreld) totdat hy gehoor het sy 11-jarige seun, Pearce, praat met ’n hoë stem. “Rumplestiltskin het ’n kinderlike kwaliteit, en ek het so gepraat,” verduidelik Robert. Hy en sy grimeerkunstenaarvrou, 2 Anastasia, met wie hy in 1997 getroud is, het twee ander kinders – dogter Ava (15) en seun Harvey (13). Al is Robert mal oor sci-fi – hy 3 was dr. Nicholas Rush in Stargate Universe (2009-2011) – is hy die beste bekend as Gaz, die manlike ontkleedanser in die komiese fliek The Full Monty (1997), en as Begbie in die twee Trainspotting-flieks (1996 & 2017). Hy het sy rol as die gewelddadige psigopaat Begbie so ernstig opgeneem hy het ’n tand laat verwyder “sodat hy meer psigoties en intens lyk”, sê Robert. 4 Hy het byna nie akteur geword nie en was as tiener lid van ’n rock band. “Maar dit was nie vir my nie,” sê Robert, en voeg by: “Ek’s ’n groot fan van die Blues-sanger Tom Waits.” Robert het sy teatermaatskappy Rain Dogs genoem, na Tom se 1985-lied met dieselfde titel.