Nyathi-familievetes en seksgeheime
Scandal! Weekdae e.tv (*194) 19:30 MAART
Dis vir Quinton onmoontlik om ’n huweliksaansoek te weier, en Neo verloor sy humeur wanneer Romeo se skootrekenaar in Grace se hande beland. Romeo probeer desperaat om sy familie te kontak, en ’n bruid is woedend wanneer haar huweliksnag nie so romanties is as wat sy verwag het nie. Gontse moet ’n hartverskeurende besluit oor haar toekoms neem, en die Safe ’n Clean-personeel raak angsbevange dat hulle hul werk kan verloor – tot Wesley ’n verrassende deurbraak maak. Quinton en Mangi kry nuus van
Lucas (Sello Maake KaNcube), en Mangi volg Dintle se voorbeeld wanneer sy vete met Quinton weer opduik. Siseko sit sy voet dwars nadat Chumani Mary op ’n date vra, en Romeo lê by ’n nuwe liefdesbelangstelling aan.
APRIL
Selfs Neo grynslag vir Mangi wanneer sy plan om Quinton soos ’n gek te laat lyk ’n onverwagte wending neem. Quinton moet by Dintle om hulp gaan aanklop wanneer sy vete met Mangi gevolge het wat hom in die tronk kan laat beland, en Hlengiwe het binneinligting wat Neo kan verbind met wat met Pacino [nie op skerm gesien nie] gebeur het. Chumani lyk ontsteld wanneer hy ’n ou skoolpel raakloop, maar Xoli wonder of die reaksie nie net ’n rookskerm is vir ’n persoonlike probleem nie. Zinzile raak agterdogtig wanneer Phindi rondsluip om Javas te help, en die gevolge van die Comboaineenstorting plaas Gloria en haar vriende in groot geldelike moeilikheid. Ndu vermoed intussen daar word vir hom gelieg oor Sihle se uitgawes.
MEI
Neo beveel Quinton om Hlengiwe te stuit, en Mangi is bang wanneer hy in die hospitaal wakker word. Layla los ’n waarskuwing vir Quinton nadat sy gesien het hoe ’n fortuinsoeker haar kloue skerpmaak, en Dintle dink sy het ’n spook gesien. Romeo besluit om by Chumani se lewe in te meng, en Chumani praat ernstig met sy pa en ma. Xoli is verras deur een van die Langas se reaksie op Chumani se nuus, Kgosi en Ndu het geheime vir Gloria, en Gloria glo Ndu date ’n heks. Kgosi se regte pa keer terug, en ’n nuweling maak die tonge by die Safe ’n Cleankantore los.