Ray Donovan

Seisoen 3 e.tv (*194) 22:00 Drama

Hollywood is in wanorde! Mense versin ontvoerings, los besonderhede van hul smerige affairs op verlore selfone, en vermoor ander trompop. Die plek het ’n regrukker nodig, en gelukkig kan op Ray Donovan (Liev Schreiber) se nommer gedruk word. Hoewel die Donovans genoeg drama van hul eie het, is daar ligter oomblikke vir Ray, wat al sy vernuf moet inspan om mense uit die moeilikheid te kry. Hier is van die netelige situasies die seisoen . . .

Episode 1: Ray word na die agterkamer van ’n pornoboekwinkel ontbied, waar afpersers ’n stoute slagoffer se geslagsdeel deur ’n loergaatjie in die deur toegerits het. Dis so snaaks, Ray kan nie help om te lag nie.

Episode 4 (26 Sep.): ’n Medeaanbieder van’ n speletjies program weier o muit haar woonwa te kom tensy sy vir ’n slag die hoofaanbieder kan wees, en Ray klap die program se gasheer, Sandy

Patrick (Jack Wagner, Dominick Marone van 2003-2012 in Bold & Beautiful, 1987-nou), totdat die vrou se kontrak herbeding word – Ray noem as aansporing sy is ’n gunsteling van die nuwe inkomende president van die netwerk. Episode 6 (10 Okt.): Hoe raak jy ontslae van jou sterkste mededinger wat teen jou bie vir ’n kontrak? Wenk: Bedwelm hom en sluit hom in ’n motelkamer toe sodat hy die spertyd misloop!

Episode 8 (24 Okt.): Ray koop ’n natuurlewe-beampte om om vir hom ’n slang te leen. Hy laat die reptiel ’n sakkie heroïen sluk, en beplan dan om dit in sy teiken se bagasie te sit sodat dit by die lughawe ontdek word. Hy moet immers die feit toesmeer dat sy baas pas sy skoonseun vermoor het . . . wat ook sy gay minnaar was. Kom help, Ray!