Jamestown

Seisoen 2 M-Net (*101) 23:10 Drama

Die akteur Jason Flemyng is goed daarmee om skurke soos die slawe-eienaar George Yeardley in die periodedrama Jamestown (2017-nou) te speel. “Ek het die voorkoms van iemand wat jy graag sal wil haat,” sê die 51-jarige Brit reguit. “Ek is gelukkig omdat daar deesdae so baie monsters op TV is, ek het werk vir die res van my loopbaan!”

Sy liefde vir toneelspeel spruit uit 1 sy liefde vir die skone geslag – Jason verklap “ek het gehou van die meisie wat Dorothy in ons skoolopvoering van The Wizard Of Oz gespeel het. Ek wou die voëlverskrikker speel sodat ek die meeste verhoogtyd saam met haar kon hê, maar toe kies sy The Tin Man!” 2 Hy het wel met ’n aktrise aan die arm beland – van 1992 tot 2001 het Jason uitgegaan met Lena Headey (Cersei Lannister in Game Of Thrones, 2011-nou). 3 Hy vlieg nie eerste klas nie, maar gebruik wel sy Frequent Flyerkaart vir eersteklas-sitkamers op lughawens en om vinnig deur doeane te kom. 4 Jason se ergste werkbesering was nie op stel nie: “Ek was poegaai ná ’n nag se gedrink saam met

Johnny Depp toe ons [die 2001-gruwelfliek] From Hell in Praag geskiet het. Ek het deur ’n glastafel geval. Daar was soveel bloed, ek moes vir ’n nuwe matras by die hotel opdok.” 5 Wanneer Jason nie aan marathons deelneem nie, gaan speel hy verfbal saam met sy seuns, Noah en Cassius (albei jonger as 10). Hy is daaraan bekendgestel tydens ’n spanbousessie wat gereël is deur Brad Pitt, sy medester in die 2000- donker komedie Snatch.