Timmy Time
Seisoen 2 CBeebies (*306) 09:25 Animasie
Die skattige skapie Timmy steel harte in die klei-animasiereeks Timmy Time (2009-2012). Dis ’n splinterreeks van die bekroonde program Shaun
The Sheep (2006-2016), maar met ’n groot verskil, verduidelik die medeskepper, Jackie Cockle: “Ons het Timmy uit die volwasse wêreld van Shaun gehaal sodat hy nie so dikwels in die moeilikheid beland nie. Hierdie lammetjie leer meer oor die wêreld en voer die gehoor saam met hom mee.”
Daar word nooit genoem hoe 1 Timmy aan Shaun verwant is nie, “maar hul voorkoms stem baie ooreen”, sê Jackie. “Hulle is van dieselfde familie en moontlik van dieselfde plaaswerf.” 2 Nes in Shaun The Sheep is daar nie eintlik dialoog nie – die karakters kommunikeer met hul regte dieregeluide, gesnork en geknor. 3 Daar is 14 gereelde karakters en elke kleimodel is minstens 16 cm hoog, vertel Jackie. “As ons hulle kleiner gemaak het, sou dit te moeilik wees om met die verskillende dele te werk.” Timmy en sy ma, Timmy’s Mum, is 4 Suffolk-skape. 5 Die program was in 2011 in die kollig in Discovery Channel se reeks How It’s Made (2001-nou). 6 Dit neem langer as ’n week om vyf minute te verfilm en te vervaardig – elke episode is 10 minute lank. 7 Timmy Time word vervaardig deur Aardman Animation Studios, ook die skeppers van Shaun The Sheep en die reeks waaruit Shaun voortgevloei het – Wallace & Gromit (1989-nou). 8 Moenie verwag Timmy gaan ouer word nie, verklap Jackie: “Ons hou hom voorskools – ons gehoor bly jonk soos babas kleuters word, dus hoef ons hom nie te verander nie.”