Van Lucia

Ons word daagliks deur aaklige gebeure omring. In die week het ek gaan draf ( ja, ek skeur myself soms van die TV weg) toe iemand my aan die arm gryp en probeer besteel. Gelukkig het iemand gestop en tot my redding gekom. Met sulke negatiewe dinge is die heerlike ontvlugting van TV-programme en sepies ’n welkome ontsnapkans. Nie dat daar nie soms storielyne is wat net so neerdrukkend is nie. Ons kry tans baie klagtes oor 7de Laan – die buiteegtelike verhoudings, onderduimse planne en ouers voel dis nie meer gesinsvriendelik nie. Ons het 7de Laan gevra om met ons te gesels oor hoekom hulle besluit het om die storielyne aan te pak en wat hul strategie is, maar hulle swyg. Soos altyd sal daar ’n rede wees: Storielyne word nie lukraak aangepak nie. Maar hou vas, daar kom nog ’n paar skoktonele. En wie van ons hou nie heimlik van ’n bietjie drama nie? Stuur jou kommentaar na tvplus/ Jy vra, Posbus 784161, Sandton 2146 of e-pos dit na tvplus@media24. com of SMS na 35982 met die woorde TVPLUS YOUASK en jou naam. R1,50/SMS.