Suits

Seisoen 8 M-Net (*101) 21:00 Drama

Rick Hoffman leef lekker as die egomaniakprokureur Louis Litt in Suits (2011nou), maar die akteur het dit nie altyd maklik gehad nie. “Vir die grootste deel van my twintigerjare het ek klein rolletjies in die komiese reekse Jake In Progress (2005-2006) en Samantha Who? (2007-2009) gehad, en in my tyd as kelner is ek nege keer afgedank,” sê die 48-jarige. Toe Suits se skepper Aaron Korsh hom dus in 2010 sy rol aanbied, het hy lank gehuil van vreugde.

1 Al is Louis katmal is Rick baie allergies en drink medisyne as hy met katte moet werk. Hy is in 2007 byna dood tydens die verfilming van The Condemned – hy het nie geweet hy is allergies vir neute nie en het amper versmoor toe sy keel toeswel. Nog een van Louis se liefdes wat 2 Rick laat gril is modderbaddens. Die akteur sê: “Ek haat dit. Dis taai en voel vuil en ek verstaan nie hoe dit lekker kan wees nie.” 3 Rick se ouers, Gail en Charlie, is sy grootste fans en hy het hulle Louis se ouers, Naomi en Saul, laat speel in seisoen 2 in ’n videoskype-oproep op sy tabletrekenaar (daarom is die beelde versteur). 4 Die akteur is gesien waar hy frons by die troue in Mei van sy gewese medester Meghan Markle (Rachel) met prins Harry, maar daar is ’n verduideliking: “Iemand naby my het ’n baie slegte asem gehad en ek kon dit nie verhelp nie.” 5 Rick is uiters privaat en behalwe dat hy ’n tweejarige seun het, is niks anders bekend nie en hy lewer nie kommentaar oor sy liefdeslewe nie. 6 En al lyk hy indrukwekkend op die skerm is hy net 1,72 m lank.

Jy sal nie glo hoekom Rick die gesig getrek het nie – lees #4.