Madam Secretary

Seisoen 4 M-Net (*101) 20:00 Drama

Die bestuur van ’n mediakantoor is ’n uitdaging, en “dis baie meer onvoorspelbaar wanneer die politiek betrokke is”, verduidelik Patina Miller. Sy speel die media-skakelbeampte Daisy Grant in die dramareeks Madam Secretary (2014-nou), en voeg by om betrokke te wees by hoe ’n land bestuur word “is skrikwekkender as die gedagte van kindergeboorte sonder ’n epiduraal”.

Patina is die bangste vir hoogtes en het byna nee gesê vir die hoofrol in die teaterstuk Pippin in Desember 2012, want sy moes op ’n sweefstok bo die verhoog wees. Sy het kalmeerpille gedrink om haar vrees te bowe te kom. Sy weet waarvan sy praat wat kindergeboorte betref – haar swangerskap is by die storielyn ingeskryf en Patina het in Augustus 2017 die lewe geskenk aan haar dogter, Emerson – sonder epidurale verdowing. Haar man, David, was darem aan haar sy. Die 33-jarige het op hoërskool begin toneelspeel, want so kon sy haar droom uitleef om op die verhoog te sing. “Ek was lid van die gospel-koor en toneelspeel was die uitvloeisel daarvan. Ek was verras, ek het nie gedink ek sou so baie daarvan hou nie.” Patina het byna die rol van die sangeres Effie White in die 2005biografiese drama gekry, maar in die laaste ronde oudisies uitgeval teen

Jennifer Hudson – wat toe die Oscar vir beste byspeelster daarvoor gekry het. Sy geniet haar kantoorwerk in Madam Secretary, maar Patina se droomrol sou “in ’n superheldfliek wees, met ’n sterk swart vrou. Ek het ’n voorsmakie van aksie gekry as Paylor in die rillerflieks The Hunger Games [2014, 2015] – ek wil meer hê!”