The Orville
Seisoen 1 Ma. M-Net-dek/sat (*101) 16:00/17:00 Herhaling Di. M-Net 09:00 Sci-fi
Seth MacFarlane het vier werke by die sci-fi-komediereeks The Orville (2017nou) – buiten dat hy kapt. Mercer speel, is hy die skepper, skrywer en vervaardiger. Dis ook die geval met die meeste van sy ander programme, soos die animasiereekse Family Guy (1999-nou) en American Dad! (2005-nou). “Dis ’n magsding en ek hou van mag!” skerts die 44-jarige. “Maar ek het wonderlike spanne en niks hiervan sou moontlik gewees het sonder hulle nie.”
1 Seth het ’n baritonstem en het sanglesse gekry by Frank Sinatra se eertydse stemafrigters. Hy speel ook klavier, maar verkies eintlik om deesdae op die gholfbaan te ontspan. 2 Hoewel die FOX-netwerk oortuig was The Orville sou ’n sukses wees, was Seth angstig “want ek het die grootste sci-fi-sonde begaan deur elemente van die Star Wars-flieks (1977nou) en die Star Trek-reekse (1966-nou) in een program te kombineer. Ek is wetenskapsfiksie se Dr. Frankenstein!” 3 Seth se kollege-koshuisdeur was met pels bedek, en dis waar hy die idee gekry het vir sy maatskappy se naam: Fuzzy Door Productions. 4 Die akteur was byna aan boord van een van die gekaapte vliegtuie in die 9/11-terreuraanvalle, maar het sy vlug verpas “want ek het die vorige aand ’n drankie te veel gehad ná my toespraak by my ou kollege”. Seth se netto waarde is al $200 m. 5 (R3 biljoen), maar sê hy sal nie ophou werk nie “tot ek my eie Broadwaystuk op die planke het. Dan sal ek weet ek het dit gemaak en kan aftree.” 6 Watter program het sy liefde vir animasie en toneelspeel aangewakker? The Flintstones (1960-nou).