RICKUS SE AANDEEL
Rickus (André Lotter) is al sedert begin Oktober gebreinspoel deur Francois en die Haven-gemeenskap nadat hulle hom byna dood gevind het ná sy betrokkenheid by ’n gevegklub. “Tot dusver het Rickus met sy hele hart geglo aan Francois en die Haven se mantra dat tegnologie boos is. Maar hy het nooit verwag hulle sou Hillside oorneem en gewelddadig raak nie,” sê André. Op Donderdag 8 November probeer hy terugbaklei, maar dit loop lelik skeef. Hy konfronteer Francois in Beleef en probeer hom oortuig om die siek plan te laat vaar, maar Francois vererg hom bloedig en beveel sy soldate om Rickus te arresteer.