AGTER DIE SKERMS

Phindile se eerste dag op stel was effe senutergend. Hoewel sy al lank met Dawn bevriend is, moes sy baie werk insit om haar karakter Diniwe te skep. “Uzalo het versoek dat ek my karakter se biografie opstel. Ek het ’n bietjie daarmee gesukkel, maar dis deel van my werk en ek het ’n tydjie geneem om deeglik voor te berei en die res is waarna ons kan uitsien op skerm. Diniwe is ’n rabbedoe met ’n kordate persoonlikheid. Van die oomblik dat sy op skerm verskyn, kan kykers ’n opwindende tyd verwag,” sê Phindile trots.