G’n snor? G’n probleem!
Magnum, P.I. se nuwe weergawe is meer spoggerig met nuwe Ferrari’s, ’n nuwe span en ’n nuwe Thomas Magnum.
Magnum, P.I. Seisoen 1 Woensdae M-Net (*101) 20:00 (begin 7 November)
Die nuwe weergawe van Magnum, P.I. (2018-nou) het dieselfde storielyn en temalied as die oorspronklike reeks met Tom Selleck (1980-1988) wat op Maandae om 12:00 op SABC3 heruitgesaai word. En die ou rooi Ferrari is ook terug, al het die landgoedeienaar, wat ons nooit sien nie, Robin Masters, ook ’n motorhuis vol blink, nuwer weergawes. Maar daar is twee merkbare verskille: die hoofspeler, Jay Hernandez, het nie die snor wat Tom beroemd gemaak het nie, en Magnum se onwillige bestie Higgins, die safaripakdraende John Hillerman, is nou die sedige, jogamal Perdita Weeks. “Nie almal kan reg laat geskied aan gesighare nie,” sê Jay oor eersgenoemde. “Ons ignoreer Thomas nie net omdat hy nie ’n snor het nie en neem afskeid daarvan om te erken dis ons weergawe, maar ons respekteer die oorspronklike.” Wat Jonathan Higgins, wat die Mastersherehuis in Hawaii oppas, betref was ’n geslagsomruiling na Juliet maklik, sê Perdita: “Hulle is albei Brits, kom van ’n militêre agtergrond en hulle is albei beheersugtig. ’n Moontlike aantrekkingskrag maak dit interessanter.”