GAME OF THRONES
Die voorvolg-splinterreeks van die epiese fantasie Game Of Thrones (2011nou) het nog nie ’n amptelike titel nie, maar werk is al volstoom aan die gang – die produksie het vir Naomi Watts ’n hoofrol gegee. Die 50-jarige Brit se lippe is geseël oor watter karakter sy gaan speel, maar sy het onthul sy binge-kyk Game Of Thrones, want “ek kom laat hierby [die reeks] uit, maar dis hoe dit is met baie dinge in my lewe. Ek bestudeer dit en dis baie opwindend!” ’n Fan-teorie beweer Naomi gaan ’n charismatiese sosiale vlinder speel wat bande het met die White Walkers duisende jare voor GOT.