BREAKING BAD
Vince Gilligan het bevestig ’n vollengte-fliek word amptelik van sy ikoniese dramediereeks Breaking Bad (2008-2013) gemaak. Hy skryf die draaiboek, is die uitvoerende vervaardiger en gaan moontlik die regisseur wees. Tog word nie gesê of die oorspronklike spelers soos Bryan Cranston en Aaron Paul as die dwelmbase Walter White en Jesse Pinkman by hom gaan aansluit nie. Die spelers het vanjaar die reeks se tiende verjaardag gevier, waartydens Vince onthul het hy wil die hoofspelers terughê vir die projek met die kodenaam Greenbrier.