DOLLFACE
Terwyl stroomdienste steeds toeneem het Kat Dennings (Max in die komedie 2 Broke Girls, 2011-2017) aangesluit by hope kykers wat tradisionele TV vir die op-aanvraagdiens verruil. Sy het ’n 10 episode lange bestelling van die VSA-stroomreus Hulu gekry vir haar reeks Dollface, wat handel oor ’n jong vrou wat met verbeeldingsvlugte te doen kry wanneer sy ou vriendskappe probeer hervat ná haar beheersugtige, jare lange kêrel haar gelos het. Die aktrise sê sy skryf ook en is die uitvoerende vervaardiger van die reeks wat sy en Hulu hoop middel 2019 beskikbaar sal wees.