AGTERDOGTIG

Afgesien van professionele kwessies, kan iemand soos Romeo ’n interessante uitwerking op dr. J se liefdeslewe hê. “Dr. Jameson het nog nooit ’n pasiënt so interessant en gekompliseerd soos Romeo gehad nie. Voor sy hom ontmoet het, het sy gevoel sy is in beheer van haar praktyk en het geweet hoe om enige pasiënte te hanteer, hoe sielkundig gekompliseerd hulle ook al was. Romeo het dit alles verander. Dr. Jameson beskou haar ander gereelde pasiënte nou met ’n mate van agterdog. Sy kan nie meer enigiets aanvaar nie,” onthul Karin. Sy is nou selfs agterdogtig oor haar nuwe minnaar!