Tbose se meswond
Noah beskerm sy gangster-geheim deur die nuuskierige Tbose aan te val.
Om by ’n bende aan te sluit is nie altyd net vir opwinding nie. Die hoërskoolleerder Noah (Austin Mothapo) het hom tot ’n Polokwanebende verbind om homself te beskerm toe hy nog in die weeshuis was voor hy in 2017 met sy ma, Mokgadi (Pebetsi Matlaila), herenig is. “Jy weet wat hulle van bendes sê: dis vir altyd. Die enigste manier daaruit is die dood,” sê Austin ernstig. “Jy doen wat hulle vir jou sê, of jy daarvan hou of nie.” Dis ’n probleem op Woensdag 21 November wanneer Noah aangesê word om sy stiefpa, Leeto (Eric Macheru), se familiesupermark te help beroof. “Hy dink nie twee keer nie – hy weet daar word nie geargumenteer nie. Hy skryf ’n stap-vir-stapplan in sy dagboek neer,” sê die akteur, en onthul die plan misluk op Maandag 26 November wanneer die polisie in die middel van die rooftog opdaag. “Hulle ontsnap, maar in the chaos laat val Noah sy dagboek met sy vingerafdrukke op.”