The Gifted

Seisoen 2 FOX (*125) 20:45 Sci-fi

Stephen Moyer is klaar met vampiersupermagte as Bill in die gruwelreeks True Blood (2008-2014) maar sy rol as die voortvlugtige distriksaanklaer Reed in die sci-fi-reeks The Gifted (2017-nou) kom met net soveel waarskuwingstekens weens geheime mutantmagte. “Almal dink supermagte is fantasties. Wat as dit nie so is nie en dis aftakelend, donker en vernietigend?” vra die 49-jarige Brit. “Ons weet uit seisoen 1 wanneer sy kinders hul mag saam gebruik is dit ’n donker mag. Dit is in sy bloed.”

So jy weet eintlik self nie wat Reed se mag behels nie? Nee, glad nie. Maar wat ek wel weet is Reed se grootouers het donker magte gehad. Toe sy pa op Reed geopereer het, het hy juis probeer om van daardie donkerheid ontslae te raak. Seisoen 1 was ’n baie besige inleiding …

Hulle [die produksiespan] was slim in hierdie seisoen. Pleks van almal wat ’n klomp goed kry om te doen en die kyker weens 12 storielyne nie kan konsentreer nie, gaan jy nou op een of twee konsentreer. Dit maak my opgewonde. So die toertjies vir Reed gaan meer gewaagd wees?

Daar is niks so opwindend soos toertjies nie! My vrou [ Anna Paquin, Sookie in True Blood] laat my CrossFit doen. Ek is reg [vir stampe en wonde] maar my karakter dalk nie. Sy werk het verander, van onderdrukker na beskermer en nou mutant. Hoe gaan hy dit hanteer? Aangesien hy altyd groot selfbeheersing in sy lewe toegepas het, was ek geïnteresseerd om te weet wat as hy nie in beheer is nie?