Nina And The Neurons
Seisoen 6 SABC2 (*192) 15:15 Kinders
Het jy dalk ’n jong Einstein op hande? Dis nooit te vroeg vir opvoedkundige vermaak vir kinders nie en dit is waaroor Nina And The Neurons (2007-2015) gaan. “Dit is ’n inleiding van 15 minute tot die wetenskap vir kinders van 4 tot 6 jaar,” sê Katrina Bryan, die aanbieder wat ook die rol van die neurowetenskaplike, Nina, vertolk. “Ons geanimeerde karakters die Neurons help ons gaste met hul eksperimente. Dit is vinnig en sal kykers se aandag vasvang.”
1 Die Neurons is die vyf sintuie (gevoel, gehoor, sig, reuk en smaak) en is eerder in Nina se verbeelding as ware karakters wat met die ateljeegaste kommunikeer. Die eksperimente is opgestel deur 2 ware wetenskaplikes wat alles vooraf toets om seker te maak dit is veilig en werk regtig. Wanneer Nina haar motor bestuur 3 en die eksperiment verduidelik, word die motor op ’n sleepwa rondom die ateljee getou terwyl die toneel geskiet word. Die spoed word vir veiligheid op 10 km/h gehou. Die reeks word by die Glasgow 4 Science Centre in Skotland opgeneem, en hoewel hulle nie sigbaar is nie, is die ateljee vol kinders. Elke seisoen het ’n ander tema – 5 seisoen 6 handel oor die menslike liggaam. Hoewel die kenwysie dieselfde is, het elke seisoen sy eie liedjie wat Nina en die Neurons ter afsluiting sing. Die gaste wat ’n vraag per e-pos 6 aan Nina stuur, is dikwels gaste by die wetenskapsentrum in Glasgow wat die vervaardigers se vrae oor episodes wat beplan word, beantwoord. Fans kan dekorstukke van die 7 stel by sentrum koop. Daar is ook daagliks ’n toer van die stel.