Sepieliefde en -drama
’n Nuwe jaar, ’n nuwe liefde! Verwag ook iets venynigs en agteraf drama met Showmax se keuse van plaaslike sepies.
Het jou gunstelingsepie se storielyne jou teleurgestel in 2018? Of dalk is jy net lus om vanjaar ’n nuwe sepieverslawing te ontdek. Showmax het die perfekte oplossing met die beste Afrikaanse sepies om van te kies. Word deel van ’n nuwe sepiefamilie en kyk of jy nie lekker saam met nuwe (en bekende) gesigte kuier nie.
ARENDSVLEI
KykNET & kie se jongste nuwe sepie is ook op Showmax! Nuwe episodes van Arendsvlei (Oktober 2018-nou) is beskikbaar vir kyk net ná dit weekdae uitgesaai is. En omdat al die vorige episodes reeds gereed is en vir jou wag, kan jy maklik inhaal as jy by die begin wil wegspring. Dit sal nie eens lank duur nie – want daar is geen advertensies nie en elke episode is net 23 minute lank. Arendsvlei speel in ’n hoërskool op die Kaapse Vlakte af. Die vise- skoolhoof Beatrice Abrahams (Jolene Martin) is toegewyd en wil seker maak plaaslike kinders kry die topgehalte opvoeding wat hulle verdien, maar haar man, die skool se hoof David Abrahams (Oscar Petersen) se alkohol- en dwelmverslawing kan alles vernietig wanneer hy in die kloue van die gulsige, wraakgierige geldskieter Wendy Newman (Rehane Abrahams) beland wat hom gebruik om lid te word van die skool se beheerraad. Sy is ’n slang en ons het geen ooghare vir haar nie. Behalwe die drama om ’n skool te bestuur gaan Arendsvlei ons ook ’n venster bied op die wêreld van reuse-uitdagings waarmee ouers en leerders op die Vlakte te doen kry en trotseer. Baie min sepies het soveel tienerkarakters, wat aan Arendsvlei ’n opwindende en lewendige atmosfeer verleen.