Wraak My Mooi
Seisoen 1 VIA (*147) 19:30 Realiteit
’n Nuwe transformasiereeks begin Woensdag 9 Januarie. Wraak My Mooi (2019-nou) is ’n program gegrond op die webreeks Revenge Makeover SA (2017nou) van 5 minute waarin deelnemers ten volle opgekikker word, van klere, gesig tot tande. Wraak My Mooi volg dieselfde konsep, maar in ’n halfuur lange formaat. “Met Wraak My Mooi het ons die geleentheid gekry om die vaardighede van ons kundiges te wys en ons kan die deelnemers vergesel op die reis van hul transformasie,” sê die reeksvervaardiger Nicole Bailey.
Vertel ons meer van die kenners in die reeks?
Met The Cosmetic And Dental Emporium in Bryanston, Johannesburg, se samewerking neem die volgende kenners deel aan die reeks: Zak Schabort, ’n tandarts wat in nie-indringende gesigsestetiese prosedures spesialiseer, Wim de Beer, ’n tandheelkundige chirurg wat in laser- en rekonstruktiewe behandeling spesialiseer, Braam Wahl, ’n tandtegnoloog en eienaar van Wahl Dental Ceramics in Kaapstad, Jeanne-Mari Geldenhuys, ’n skoonheidskundige en Tiaan Schutte, ’n mode-ontwerper en stilis. Hoeveel inskrywings het julle vir die reeks ontvang? Ons het meer as 1 000 inskrywings gekry waaruit ons 13 deelnemers landwyd gekies het. Die deelnemers is spesifiek gekies oor hoe hul tande lyk en dit hul lewens beïnvloed. Hoe verskil die reeks van ander transformasie-programme soos Mooimaak (2017-nou) en Glam Guru (2008-nou)? Wraak My Mooi is uniek in die sin dat ons nie soos met Glam Guru net op grimering toegespits is nie. Ons moedig lewensvatbare transformasie aan wat op lang termyn hul lewe verbeter. En ons gebruik die modernste tegnologie in die proses.