Jeannie D
Wat gaan aan in jou gunsteling-aktrise se kop?
Die borrelende kontinuïteitsaankondiger en TV-aanbieder Jeannie D (oftewel Jeannie de Gouveia) is al jare lank by die moderne leefstylreeks Top Billing (1996-nou) en al laat sy die werk maklik lyk, verklap die 30-plusser dis baie moeiliker as wat ons dink en dat doen-dit weer-opnames altyd help. “O, daar was baie knypjouself-oomblikke en ’n gelag [gedurende verfilming]. Ek het ’n geheuebank vol daarvan – ek skat ek sal in ’n stadium ’n boek moet skryf. Met regstreekse TV moet jy kalm raak, dit toesmeer en regstel so eerlik en nederig as wat jy kan – die dinge gebeur.” Wanneer Jeannie nie plaaslik of elders in die wêreld rondrits nie of besig is met haar ander werk (onder meer as radio-DJ, seremoniemeester en handelsmerkambassadeur), hou Jeannie van TV, of dit op of daarvoor is . . . Wat was die eerste TV-program wat jy vir pret saam met jou maats gespeel het? Die animasie-tekenreeks The Flintstones (1960-nou).
Wie was jou eerste TV-liefling? Luke Perry – hy het Dylan McKay in die tienerdramareeks Beverly Hills, 90210 (1990-2000) gespeel en is tans Fred Andrews in die dramareeks Riverdale (2017-nou). Wat het jy gedoen wanneer ’n “intieme” oomblik opgeduik het terwyl jy saam met jou gesin TV-gekyk het? Ek het gevries. Ek het letterlik nie ’n spier verroer nie – of my oë geknip nie. Watter produk wou jy hê sedert jy dit op die kassie gesien
het? Een van daardie skeerkussingrollers [hoverboards] wat Michael J. Fox se karakter Marty McFly in die sci-fifliek Back To The Future 2 (1989) gebruik het.
Wie se klerekas op TV sou jy wou hê? Lady Gaga s’n van toe sy The Countess gespeel het in seisoen 5 (2015) van die gruwelantologiereeks American Horror Story (2011-nou). In wie se TV-huis sou jy graag wou woon? Uiteraard in ’n paar van die huise wat ons in Top Billing getoon het.
Oor watter reeks is jy tans fanaties? Die epiese fantasiereeks Game Of Thrones (2011-nou), die historiese dramareeks Vikings (2013-nou) en die periodedramareeks The Crown (2016-nou). Watter werk sou jy agter die skerms wou doen en hoekom? Dié van rolverdelingsregisseur, want dis boeiend om te sien hoe talentvolle mense met soveel oortuiging in hul rol verander . . . of ek sou klankbane wou kies vir flieks of TV-reekse. Wat is een van jou gunsteling-storielynkinkels in ’n reeks? In Game Of Thrones seisoen 6 episode 2 (2016) waar Jon Snow (Kit Harington) na die lewe teruggebring word!
Watter karakter is jou gunstelingheld? Die Noorse kryger Bjorn Ironside (Alexander Ludwig) in Vikings. Ek kan heeldag na hom kyk. Wat’s jou nagmerrie-scenario wanneer jy ’n toneel skiet? Om ’n tegniese fout op die rooitapyt te beleef oomblikke voor ’n kans-van-’n-leeftyd- onderhoud. Met al die nuwe weergawes deesdae, watter reeks sou jy wou oormaak en deel wees daarvan? Die oorlede sjef en joernalis Anthony Bourdain se reiskokreekse Parts Unknown (2013-2018). As jy enige karakter in enige reeks kon speel, wie sou dit wees en hoekom? Ek in my ander realiteitsreeks Top Travel (2011-2016) – dis die heel beste tot nog toe! Watter reeks en episode het jou onlangs laat huil? Elke enkele episode van die dramareeks This Is Us (2016-nou). Jou gunsteling-TV-ikoon is? Die kletsprogramaanbieder Oprah Winfrey, sjef Anthony Bourdain en die natuurkenner sir David Attenborough.